做外賣仔會有福利？

 「外賣仔」以前黎講好似無咩 前途，不過自從疫情開始，市面上就多了很多外賣員，無他，因為經濟不景！

咁做「外賣仔」有咩福利呢？第一：貼士不在話下，第二：係可以唔洗錢食野。 筆者曾經也有做過外賣，在 X Panda，Deliver X，同埋 U Eats  都有登記，都真係收過貼士。但做外賣其實也幾辛苦，尤其我唔試渣電單車，又無牌嘅，只好做步兵。試過一次過攞 8 碗麵，加埋啲濕碎野，兩隻手攞曬，送去同一個地址。個次，我估是我攞最多嘅一次，足足 $20！不過個次經驗就唔係幾好，因為如果你有做 X Panda 嘅外賣都知，佢哋係用紙袋嘅。紙袋有咩唔好呢？就係會穿。咁啱個日，其中一個袋入面果幾碗麵，啲湯滲出黎，行行就下發覺個袋中間就開始爛，因為我已經遠離間食肆有一定距離， 返唔到去，所以唯有抱著佢，唉！依家諗起都真係好狼狽，不過好彩當時係中間爛，如果個底爛就真係 x 街了！

個次係一個好特別嘅經歷，可能送到上去，個位仁兄見到我幸苦，所以比左 $20 貼士我，哈哈！

有時可以唔洗錢食野：試過兩、三次，又係 X Panda，一次係當我差唔多去到目的地，個客突然 cancel 張單，我一路睇住個 app，見到突然個地址消息，即刻搵客服問，先知個客 cancel 左。當然個張 order 無錢，但袋食物，就自己食左，好過無！😄 第二次係個系統唔知點解派錯地址，個客住荔枝角，但張 order 寫送貨地址為大角嘴，真係差「十萬八千里」。當我達到目的地發覺上門無人，打去問個客先知，結果同第一次張單一樣，order cancel，食物「落格」，果次係炸雞，而第一次係吉野x 牛肉飯。

雖然做外賣係辛苦，但有時啲福利都唔錯，😄。